سەرۆكێ حكومەتێ د گوتارەكێدا دیاركر، مامۆستایێن ئایینی ڕۆلەكێ گەلەك گرنگ د مێژوویا بزاڤا ڕزگاریخوازا گەلێ كوردستانێدا هەبوو، ڕۆلەكێ دیار و بەرچاڤ د بەرەڤانیكرنێدا ژ مافێن ڕەوا یێن گەلێ كوردستانێ و بابەتێن نیشتیمانی و گەشەپێدانا هزرا پێكڤەژیانا ئاشتیانە یا ئایینان ل كوردستانێ گێرایە.
مەسرور بارزانی ئاماژە ب پەیوەندییێن مێژووی دناڤبەرا مسر و ئەزهەر و كوردستانێدا كر، دیاركر، ل سەردەمێ سەركردەیێ كورد سەلاحەدینێ ئەیوبی ژمارەكا مەزن یا كوردان بەرەڤ مسرێڤە چوون و ل وێرێ ئاكنجیبوون و كەسایەتیێن ب ناڤودەنگ و زانا و شاعر و نڤیسەر و زەلامێن مەزن و ناڤدار لێ كۆمبوون.
