جڤاتا بلندا فەتوایێ ل هەرێما کوردستانێ ڕاگەهاند، وەرگرتنا فەتوايێ ب ڕێکا “چات جی پی تی” یا دروست نینە و پێدڤییە وەلاتی بۆ پرسێن ئایینی پشت ب ڤێ تەکنەلۆژیایێ نەبەستن.
گۆتیە ژی: هندەك ژ وەلاتییان بۆ زانینا حەرام و حەڵالییا پرسێن ئایینی پەنایێ بۆ “چات جی پی تی” دبەن و فەتوایێ ژێ دگرن، ڤێ دیاردێ ژی کارڤەدانا هندەك ژ مامۆستایێن ئایینی هەبوویە، یێن کو ئەڤ کارە ب کارەکێ نە دروست دزانن” دوهی ژی گرتەیەکا ڤیدیۆیی یا مامۆستایەکێ ئایینی بەلاڤبووبوو کو تێدا تەكەزی ل سەر نەشیانا وەرگرتنا فەتوایێ ژ وێ زیرەکیا دەستکرد کربوو.
د. حەسەن پشدەری، ئەندامێ لژنا بلندا فەتوایێ راگەهاندییە، وەرگرتنا فەتوایێ ژ “چات جی پی تی” یا دروست نینە.
