مەسرور بارزانی: دێ ل سەر گەشەپێدانا كولتوورێ پێكڤەژیانا ئاشتییانە د بەردەوامبین

مەسرور بارزانی سەرۆكوەزیرێن هەرێما كوردستانێ كەنیسەیا ( ئوم ئەلنوور ) ل قەزایا عەنكاوە ڤەكر و گوتارەك پێشكێشكر.

سەرۆكێ حكومەتێ د گوتارا خۆدا ڕاگەهاند، هیڤییا وی ئەوە خووشك و برایێن كریستیان مفای ژ ڤێ كەنیسێ وەربگرن، كو ژلایێ وەزارەتا ئەقاف و كاروبارێن ئایینی یا هەرێما كوردستانێڤە هاتییە دروستكرن.

هەروەسا دیاركر، حكومەتا هەرێما كوردستانێ دێ ل سەر بزاڤێن خۆ بۆ ب دووماهی ئینانا ئەو ڕەوشا سەپاندییا ل دەشتا نەینەوا هەی، یا بەردەوام بیت، هەتا كو خووشك و برایێن كریستیان بشێن ڤەگەرە ناڤ مالێن خۆ.

هەروەسا ئاماژە ب هندێ دا، ئەو گرنگییێ ب هەموو ئایینان د دەن، دێ ل سەر گەشەپێدانا كولتوورێ پێكڤەژیانا ئاشتییانە د بەردەوامبن.