<h3 style="text-align: justify;"><span style="font-size: 18pt;">ب ئاماده‌بوونا سه‌رۆكوه‌زیران مه‌سرور بارزانى، دڕێوره‌سمه‌كیدا به‌نداڤا گۆمه‌سپان ل سنوورێ پارێزگه‌ها هه‌ولێرێ دێ هێته ڤه‌كرن و به‌رێ بنیاتییێ جووتسایدێ گۆمه‌سپان – سماقۆلى هێته دانان.</span> <span style="font-size: 18pt;">به‌نداڤا گۆمه‌سپان دبیته سێیه‌م مه‌زنترین به‌نداڤ ل هه‌رێما كوردستانێ، پشتى به‌نداڤێن دووكان و ده‌ربه‌ندیخان، ڕووبه‌رێ وێ شه‌ش ملیۆن و 125 هزار میترێن دووجانه و بلنداهییا وێ 70 میترن، درێژاهییا وێژى 512 میتره و دشێت 115 ملیۆن میترێن سێجا یێن ئاڤێ كۆمبكه‌ت.</span> <span style="font-size: 18pt;">هه‌روه‌سا سه‌رۆكوه‌زیران دێ به‌رێ بنیاتییێ ڕێیا گۆمه‌سپان – سماقۆلى دانیت، كو ئه‌ڤ ڕێیه دێ هه‌ولێرێ و ئیداره‌یا ڕاپه‌ریێن و پارێزگه‌ها سلێمانییێ پێكڤه گرێده‌ت، نوكه ئه‌ڤ ڕێیه ئێك سایده، ده‌مێ ڤه‌گۆهاستنێ ژ گۆمه‌سپان بۆ سماقۆلى 40 خۆله‌كن، پشتى تمامبوونا پرۆژه‌ى دێ بیته 20 خۆله‌ك.</span></h3>
