سەرۆک بارزانی پێشوازی ل كاربرێكەرێ کارێن بالیۆزخانا ئەمریکا ل عێراقێ كر

ئەڤرۆ چوارشەمبی 21ی چریا ئێكێ  یا 2026 ل پیرمام، سەرۆک مەسعود بارزانی پێشوازی ل بالیۆز ستیڤ فەیگن، كاربێركەرێ کارێن بالیۆزخانا ئەمریکا ل عێراقێ کر.

بالیۆز ستیڤ فەیگن سوپاسیا ڕۆلێ سەرۆک بارزانی کر کو هەموو دەما ژ نێزیک ڤە پشتەڤانێ پرۆسەیا سیاسی یا عێراقێ بوویە، ژ لایێ خۆ ڤە، سەرۆک بارزانی دیار کر کۆ سەر بنەمایێ دەستووری و پرنسپێن هەڤپشکی و هەڤسەنگییێ پەیوەندیێن خۆ دگەل عێراقێ ڕێکخستینە، هەروەسا سەرۆک بارزانی ئاماژە دا کو ئه‌گه‌ر حکومەتێن بەری نوکە یێن عێراقێ پێگیر ب ڤان بنەمایان ببان، دەستکەفتێن گەلەک زێدەتر بۆ عێراقێ و هەمی پێکهاتان ب گشتی دا بدەستڤە هێن.

سەرۆک بارزانی دیار کر ژی کو پشتەڤانییێ ل سەرۆک وەزیرێن نوکە یێ عێراقێ دکەت د چوارچۆڤەیێ دەستووری دا و بۆ پاراستنا مافێن ڕەوایێن گەلێ کوردستانێ ئەوێن د دەستووری دا هاتین، هەروەسا سەرۆک بارزانی دووپاتی ل سەر پشتەڤانیكرنا پێکهاتێن کوردستانێ ب تایبەتی خووشک و برایێن کریستیان سەر بنەمایێ ڕێز و مافێن دەستووری و هەڤپشکیا وان کر و دیار کر کۆ دڤێت پێکهات بخۆ بڕیارێ ل سەر چاره‌نووسێ خۆ بدەن.