رێڤەبەرێ گشتییێ پلاندانان و دووڤچوونێ ل وەزارەتا بازرگانی و پیشەسازی ل حكومه‌تا هەرێما کوردستانێ دیار كر: 4 هزار و 610 كارگه‌هـ ل هەرێما کوردستانێ هەنه و ئەڤ ساله وان مۆله‌ت دایه 139 کارگەهێن بچووک و ناڤنجی.
سوارە عەزیز، زێده‌تر دیار كر: ئەو 139 کارگەهێن ئه‌ڤ ساله مۆله‌ت وه‌رگرتین، 103 ژ وان ل پارێزگه‌ها هەولێرێنه، 12 ل پارێزگه‌ها سلێمانییێ، 16 ل پارێزگه‌ها دهۆکێ و شەش کارگە ژی ل ئیدارا سەربەخۆیا زاخۆ.
ناڤهاتی گۆت ژی: ل هەرێما کوردستانێ 4,610 کارگەهـ هەنه، کو پرانییا وان ل پارێزگه‌ها هەولێرێنه و هژمارا وان 3064 کارگەهن و كو كارگه‌هێن بەفرێ، بلۆکان، ئاسنگەرییا دەرگه‌هـ و پەنجەران و کەلوپەلێن پلاستیکی نه” ل سلێمانییێ 1,102 کارگەهـ هه‌نه” هه‌روه‌سا ل پارێزگه‌ها دهۆکێ ژی 335 کارگەهـ هەنه و پرانییا وان کارگەهێن بلۆکان و پڕکرنا غازا شلن و ل زاخۆ ژی 109 کارگەهـ هەنه.
