<h3 style="text-align: justify;"><span style="font-size: 18pt;">په‌یڤدارێ وه‌زاره‌تا ده‌رڤه یا ئه‌مریكا راگه‌هاند؛ بێهن فره‌هییا واشنتۆن ل سه‌ر ئیرانێ یا سنۆرداره.</span></h3> <h3 style="text-align: justify;"><span style="font-size: 18pt;">نێد پرایس، په‌یڤدارێ وه‌زاره‌تا ده‌رڤه یا ئه‌مریكا راگه‌هاند؛ بێهنفرهییا واشنتۆنێ ل سه‌ر ئیرانێ تاكو بهێته سه‌ر مێزا دانۆستاندنان بۆ گۆتۆبێژكرنا رێككه‌فتنا ئه‌تۆمى یا سالا 2015، یا سنۆرداره. </span><span style="font-size: 18pt;">ده‌مێ حه‌فتییه‌كێ یه ئه‌مریكا پیشنیاره‌ك دایه ئیرانێ كۆ د چارچووڤێ وه‌لاتێن ئه‌ندام د رێككه‌فتنا ئه‌تۆمى یا ئیرانێ دا گۆتۆبێژان ل سه‌ر رێككه‌فتنا ئه‌تۆمى بكه‌ن و تا نها ئیرانێ به‌رسڤا وێ داخوازییێ نه‌دایه.</span></h3> <h3 style="text-align: justify;"><span style="font-size: 18pt;">نێد پرایس گوت ژى، ئه‌و رێككه‌فتنا ئه‌تۆمى یا كار پێ دهاته‌كرن رێگربوو ژ كو ئیران ببته خودان چه‌كێ ئه‌تۆمى، و ب بۆچوونا سه‌رۆك بایدنى كاریگه‌رترین رێك بۆ دوورخستنا ئیرانێ ژ چه‌كێ ئه‌تۆمى رێكا دبلۆماسى یه.</span></h3> <h3 style="text-align: justify;"><span style="font-size: 18pt;">داخویانییا وه‌زاره‌تا ده‌رڤه یا ئه‌مریكا دده‌مه‌كى دایه پێشتر ئاژانسا ناڤده‌وله‌تى یا ووزه‌یا ئه‌تۆمى راگه‌هاندبوو، ئیرانێ 14 جاران پتر ژ وێ برا د رێكه‌فتنێ ئه‌تۆمى دا بۆ هاتییه دیاركرن یۆرانیۆمێ پیتاندی به‌رهه‌م ئینایه.</span></h3> <h3 style="text-align: justify;"><span style="font-size: 18pt;">هۆشدارى ژى داینه، گه‌ر ئیران بتنێ گاڤه‌كا ته‌كنیكى ژ گه‌هشتنێ ب یۆرانیۆمێ پێدڤى بۆ دروستكرنا بۆمبه‌یا ئه‌تۆمى یا دوویره.</span></h3>
