لژنا بلند یا رووبرووبوونا کۆرۆنایێ ل هەرێمێ ئەڤرۆ سه‌عه‌ت 2 و نیڤ پشتى نیڤرۆ ب سەرپەرشتیا وەزیرێ ناڤخۆ و ب ئامادەبوونا وەزیر و ئالیێن پەیوەندیدار ل وەزارەتا ناڤخۆ دێ كۆمبن، د كۆمبوونێ دا دێ بریارا چارەنڤیسێ راگرتن یان بەردەوامى دان ب خواندنا ل ناڤ قوتابخانان هێته دان، تا نها وەزارەتا پەروەردێ چ پێشنیار بۆ داخستن و راگرتنا خواندنێ دناڤا هۆلێن خواندنێ دا نه‌داینه لیژنێ.
دكتۆر ئاسۆ حه‌وێزى، په‌یڤدارێ وه‌زاره‌تا ساخله‌مییا هه‌رێمێ راگه‌هاند، وان سێ هه‌لبژارتن داینه لژنا بلند تا كو بڕیاره‌كا پیدڤی بده‌ن و وان پێشنیارا كه‌ره‌نتینه‌كرنا وه‌لاتییان نه‌كرییه لێ پێشنیاركرییه سنۆر بهێنه داخستن یان هاتنا گه‌شتیاران و وه‌لاتیێێن پارێزگه‌هێن دى یێن ئیراقێ بهێته سنۆرداركرن.
رێبه‌ر ئه‌حمه‌د، وه‌زیرێ نافخۆ یێ هه‌رێما كوردستانێ راگه‌هاند، ئه‌ڤرۆ لیژنا بلند یا رووبرووبوونا كۆرۆنایێ دێ ده‌رباره‌ى قه‌ده‌غه‌یا هاتن و چوونێ بریارێ ده‌ت لێ چ پیشنیار ده‌رباره‌ى قه‌ده‌غه‌یا هاتن و چوونی نه‌هاتینه دان.
