سەرۆك بارزانی پێشوازی ل كونسۆلا گشتی یا ئەمریكا ل هەولێرێ كر
ئەڤرۆ چارشەمبی، 14ـێ چریا ئێكێ 2026، ل پیرمام سەرۆك بارزانی پێشوازی ل گوێندەلن ویندی گرین كونسۆلا گشتی یا ئەمریكا ل هەولێرێ كر.
د دیدارێ دا، كونسۆلا گشتی یا ئەمریكا ل هەولێرێ خۆشحالیا خۆ دەربری کو ل هەرێما كوردستانێ وەک كونسۆلا وەڵاتێ خۆ دەستبەكار بووی و دیار ژی كر، كو د بزاڤێن خۆ دا بۆ پێشخستنا پەیوەندیێن ناڤبەرا هەرێما كوردستانێ و ئەمریکا دا دێ یا بەردەوام بیت و گۆت ژی كو وەڵاتێ وێ خۆ ب پشتەڤانەکێ سەرەکی یێ خەلکێ كوردستانێ دزانیت و رێزەکا تایبەت بۆ پێگەهێ سەرۆك بارزانی ل عێراقێ و دەڤەرێ هەیە، هەروەسا هیڤی خواست هەرێما كوردستانێ وەک هەمیشە ل رۆلێ خۆ یێ بهێزکرنا سەقامگیریێ ل دەڤەرێ بەردەوام بیت.
هەروەسا سەرۆك بارزانی ب گەرمی بێخێرهاتنا كونسۆلا ئەمریكا ل هەولێر کر و سوپاسیا ئەمریكا کر کو د شەرێ تیرۆرستێن داع*شێ دا پشتەڤان و هەڤکارێ هەرێما كوردستانێ بوویە، سەرۆك بارزانی دەستپێکرناڤە یا کاروبارێن كونسولخانا ئەمریكا ل هەرێما كوردستانێ ب پێنگاڤەكا ئەرێنی قەلەم دا بۆ وێ چەندێ کو پەیوەندیێن ناڤبەرا هەردوو لایان د بووارێن جودا جودا دا پتر پێشڤە بچن.
