<h1 style="text-align: center;">پەرلەمانتارەکێ دی دێ هێتە زیندانکرن و پێدڤییە ٢٨ ملیار دیناران ژی ڤەگەرینیتەڤە</h1> <h1 style="text-align: center;">دادگەها تاوانێن دژی گەندەلییێ، سزایێ ٧ سالێن زیندانکرنێ بۆ پەرلەمانتارەکێ عێراقێ دەرێخست و بڕیار دا پتر ژ ٢٨ ملیار دیناران ژی ژێ بهێتە وەرگرتن. ئەڤرۆ سێشەمبی، ٢٩ێ ئیلۆنا ٢٠٢٦ێ، دادگەها تاوانێن دژی گەندەلییێ بڕیارەکا سزادانێ بۆ پەرلەمانتارێ عێراقێ، محەمەد فەرمان شاهیر جبووری دەرێخست و ڕاگەهاند ٧ سالان دێ هێتە زیندانکرن، هەروەها هاتە پابەندکرن ب ڤەگەراندن و پێدانا پتر ژ ٢٨ ملیار دیناران.</h1> <h1 style="text-align: center;">دەستەیا دەستپاکییا عێراقێ د ڕاگەهاندنەکێ دا ڕوونکرییە، دادگەهێ دوو سزادان ل سەر وی پەرلەمانتاری سەپاندینە؛ سزایێ ئێكێ ٧ سالێن زیندانکرنێ بۆ دەستکەفتێن نەیاسایی، سزایێ دوویێ ٣ سال بۆ ڤەشارتنا سامان و داراییێ و لدووڤ یاسا و بڕیارا دادگەهێ، ب تنێ سزایێ گرانتر (واتە ٧ سالێن زیندانکرنێ) دێ بجهئینیت و هەموو مولك و سامانێ وی ژی دێ هێتە گرتن.</h1>
