سەرۆك مەسعود بارزانی پێشوازی ل شانده‌كێ جڤاتا پیران ل فره‌نسا كر، د كۆمبوونا واندا ڕه‌وشا سیاسی و دووماهی پێشهاتێن ده‌ڤه‌رێ هاتنه گوتۆبێژكرن و سه‌رۆك بارزانی كورتییه‌ك ژ په‌یوه‌ندییێن دیرۆكی یێن گه‌لێ كوردستانێ و گه‌لێ فره‌نسا بۆ وان به‌حسكر.
سەرۆك بارزانی دیاركر، هەرێما كوردستانێ چ وه‌ختان پشكه‌ك نه‌بوویه ژ شه‌ڕێن ده‌ڤه‌رێ هه‌ین و پشته‌ڤانییا خۆ بۆ سه‌رۆكوه‌زیرێن عیراقێ د پاراستنا سازییێن ده‌وله‌تێ و ئارامییا ده‌ڤه‌رێ دیاركر.
شاندێ جڤاتا پیران ل فره‌نسا ڕۆلێ سه‌رۆك بارزانی د خه‌باتا ڕزگاریخوازا گەلێ كوردستانێ و ئاڤاكرنا سازییێن هەرێمێ و فەرماندەیكرنا هێزێن پێشمەرگەی، تێكشكاندنا داعشێ، جێگیركرنا بنه‌مایێن ئارامی و پێكڤه‌ژیانێ ل كوردستانێ بلند نرخاند.
