سەرۆک ئەرکانێ سوپایێ عێراقێ پیرۆزباهی ل ئێکخستنا هێزێن پێشمەرگەیی كر

سەرۆک ئەرکانێ سوپایێ عێراقێ ب هەلكەفتا راگەهاندنا ئێکخستنا هێزێن پێشمەرگەیی پیرۆزباهی ئاڕاستەیی فەرماندە و ئەفسەر و پێشمەرگەیان كر و تەكەزی ل سەر گرنگییا بەردەوامییا هەماهەنگییێ دناڤبەرا سوپایێ عێراقێ و پێشمەرگەیی دا كر.
فەریق روکن عەبدولئەمیر رەشید یارەللا، سەرۆك ئەرکانێ سوپایێ عێراقێ ب هەلكەفتا راگەهاندنا ئێکخستنا هێزێن پێشمەرگەیی، ب گەرمی پیرۆزباهی ل فەرماندە، ئەفسەر و هەموو ئەندامێن هێزێن پێشمەرگەیی کر و ئەڤ گاڤە ب وێستگەهەكا دیار د رێڕەوێ ئێکخستنا هەولێن سەربازی و ب هێزکرنا سیستەمێ ئەمنییێ عێراقێ وەسف کر.