پەیاما سەرۆك بارزانی ل بیرەوەرییا 38 سالیا ئەنفالا بادینان
سەرۆک مەسعود بارزانی” ل بیروەرییا 38 سالیا ئەنفالا بادینان دا پەیامەك بەلاڤكر” ئەڤە دەقێ وێیە:
بناڤێ خودایێ مەزن و دلۆڤان
ب درێژاهیا زنجیرا تاوانێن ڕژێما پێشتر یا عێراقێ ل سەدێ بیستێ، ل 25 و تەباخا 1988 هەتا شەشی ئیلونا 1988 ێ، ڕژێما عێراقێ هەوەكا نەمرۆڤانە ل بەشەكێ زۆر یێ دەڤەر و گوندێن دەڤەرا سەربلندت بادینان بڕێڤە بر، ل وێ پیلانێ دا تاوانا كیمیابارانكرن و گرتن و كوشتن و ڤەگوهاستنا زۆرەملی و ئەنفالا وەلاتییێن بێ تاوان ژ لایێ هێزێن ڕژێما وی دەمی یا عێراقێ هاتە بجهئینان، د ئەنجامێ ئەوێ تاوانا نەمرۆڤانە ب هزاران وەلاتییێن كوردستانێ هاتنە كۆمەلكوژ كرن و بێ سەروشوین و ئاوارە كرن و ب سەدان گوند ژی هاتنە كاڤلكرن و وێران بوون.
ئارمانجا سەرەكییا ڕژێمێ ژ ڤێ تاوانا مەزن گوهۆرینا دیموگرافیا كوردستانێ و بجهئینانا سیاسەتا زەڤییێن سووتی و شكاندنا ئیرادا گەلێ كوردستانێ بوو، بەلێ ئیرادا پیلایی یا گەلێ كوردستانێ بۆ مان و ئازادیخوازییێ سەركەفت و ئەو دوژمن و تاوانبار ژناڤچوون و بوونە پەندێن ڕۆژگارێ.
ل بیرەوەریا 38 سالیا تاوانێن ئەنفالا بادینان، ب هزاران سلاڤان بۆ گیانێ پاقژێ شەهیدێن ئەنفالا بادینان و گەرمیان و بارزان و هەموو شەهیدێن ڕێیا ئازادیا كوردستانێ دهنێرین، ل ڤێ بیرەوەریا دلتەزین دا ڕادگەهینین” ئەركێ سەر ملێن دەولەتا عێراقێیە كو قەرەبوویا وان هەموو تاوان و بنپێكاریان بكەت” یێن كو ل دژی گەلێ كوردستانێ هاتینە ئەنجام دان.
