كۆمبوونەك ل دۆر نەهێلانا زێدەگاڤییان و خازۆك و رۆتینی و بلندكرنا ئاستێ خزمەتگۆزارییان هاتە كرن
ئه‌ڤرۆ ئێكشه‌مبی ١١ی چریا ئێكێ یا ٢٠٢٦ێ ب سه‌رپه‌رشتییا “د.عه‌لی ته‌ته‌ر”پارێزگارێ دهوكێ و ب ئاماده‌بوونا هه‌موو ده‌ڤه‌ردار و ڕێڤه‌به‌رێن گشتی یێن ل سنورێ پارێزگه‌ها دهوكێ، كۆمبوونه‌كا تایبه‌ت لدور نه‌هێلانا ڕوتینێ ل ڕێڤه‌به‌رییان و باشتركرنا كاروبارێن وه‌لاتیان و بلندكرنا ئاستێ خزمه‌تگۆزارییێن گشتی و نه‌هێلانا زێده‌گاڤیان و جێبه‌جێكرنا یاساییێ و پاراستنا ژینگه‌هێ و نه‌هێلانا دیاردا خازۆكییێ هاته ئه‌نجامدان.
د كۆمبوونێدا ئەو ته‌وه‌رە ب هووربینی هاتنه گوتوبێژكرن و پاشی پارێزگارێ دهۆكێ گوهدارییا هه‌موو ئالیان كر و ل دووڤدا ڕاسپاردن كو چاڤدێرییا پتر یا كاروبارێن ڕێڤه‌به‌رییان و مامه‌له‌ییێن ڕۆژانه ب شێوه‌كێ باشتر و بلندكرنا ئاستێ هشیارییا پاراستنا ژینگه‌هێ و سامانێ سروشتی و جێبه‌جێكرنا یاسایێ د كاروباراندا و نه‌هێلانا زێده‌گاڤیان و دیاردا خازوكییێ بكه‌ن.
