<h2 class="x14z9mp xat24cr x1lziwak x1vvkbs xtlvy1s x126k92a">نێچیرڤان بارزانی، سەرۆکێ هەرێما کوردستانێ پێشوازی ل دەستەیا سەرۆکایەتییا جڤاتا نیشتمانییا کوردی ل سووریا (ئەنەکەسە) کر.</h2> <h2 dir="auto">د كۆمبوونا واندا، ڕه‌وشا گشتییا ده‌ڤه‌رێ، دووماهی پێشهاتێن سووریا، ڕه‌وشا كوردان و ده‌ڤه‌رێن كوردی ل سووریا و هه‌لبژارتنێن ڤێ دووماهییێ یێن جڤاتا گه‌ل ل سووریا هاتنه به‌حسكرن، هەردوولایان دووپاتی ل گرنگییا پشكداریكرنا کوردان د پرۆسەیا سیاسی و سازییێن سیاسی، تەشریعی و کارگێرییێن سووریادا وەك بنەمایەکێ سەرەکی بۆ مسۆگەرکرنا مافێن ڕەوا كر.</h2> <h2 dir="auto">نێچیرڤان بارزانی دووپاتی ل ڕۆلێ کاریگەر یێ (ئەنەکەسە) و گرنگییا ئێكهه‌لویستییا کوردان ل سووریا و بەردەوامییا دانوستاندنان و لێكتێگه‌هشتنا دناڤبه‌را هه‌موو لایەنێن کوردی کر، پشته‌ڤانییا خۆ بۆ پێشڤه‌برنا پەیوەندی و هاوکارییا هه‌ڤپشك دگه‌ل دیمەشقێ ژ پێخه‌مه‌ت ڤه‌دیتنا چاره‌سه‌رییه‌كا گشتگیر بۆ ئاریشه‌یێن سیاسی یێن هه‌لاویستی، ب شێوەیه‌كی ئاسایش و ئارامییێ ب پارێزێت دیاركر.</h2> <h2 class="x14z9mp xat24cr x1lziwak x1vvkbs xtlvy1s x126k92a">دەستەیا سەرۆکایەتییا جڤاتا نیشتمانییا کوردی ل سووریا سوپاسییا نێچیرڤان بارزانی كر و پشته‌ڤانییا نێچیرڤان بارزانی و هەرێما کوردستانێ بۆ کوردان ل سووریا دیاركر و دووپاتی ل سه‌ره‌دانا تۆم باراك، هنارتییێ تایبەتێ سەرۆکێ ئەمریکا بۆ کاروبارێن عیراق و سووریا و كۆمبوونا نێچیرڤان بارزانی و مەزلووم عەبدی كر</h2>
