<h2 style="text-align: justify;"><span style="font-size: 18pt;">دەستەیا دەستپاكییا عیراقێ ڕاگەهاند، لێكۆلین و هووربینییێن دەستەیا دەستپاكییێ ل پارێزگەها بابل ڕێگری ل هەداردانا نێزیكی 24 ملیار دیناران ژ مالێ گشتی كر.</span> <span style="font-size: 18pt;">دەستەیێ ئاماژە ب هندێ دا، تیمەكا لێكۆلینێ و هووربینییێ یا ئۆفیسا لێكۆلینێن بابل، چوویە ڕێڤەبەرییا تۆماركرنا خانوبەران ل وێ پارێزگەهێ، شیا ڕێكارێن تۆماركرنا 57 ئەرد و ئاڤاهییێن سەر ب فەرمانگەها هێلێن ئاسنی ب ڕاوستینیت، كو 31 ئەرد و ئاڤاهی یێن مولكێ گشتی بوون و 26 ژی بێی فەرزكرن هاتینە فرۆتن.</span> <span style="font-size: 18pt;">هەروەسا ئاشكراكر، فەرمانگەهێ ئەڤ ئەرد و ئاڤاهییە ب بهایەكێ گەلەكێ كێم خەملاندبوون، ب بهایەكێ گران فرۆتبوونە فەرمانبەرێن خۆ، لێ ئەوان ئەڤ سەرپێچییە ل دووڤ قانوونا فرۆتن و كرێكرنا مولكان ژمارە 21 یا ل سالا 2013ێ ڕاگرتن.</span> <span style="font-size: 18pt;">دەستەیا دەستپاكییا عیراقێ دیاركر<b>، </b>ڕێڤەبەرییا تۆمارکرنا خانوبەران ل پارێزگەهێ ئێکسەر پشتی ئاشکرابوونا سەرپێچییێ، ڕێکارێن ڤەگۆهاستنا مولکدارییێ ڕاگرتن د هەمان دەمدا، دادگەها لێكۆلینان ل حەلە یا تایبەت ب کەیسێن دەسپاکییێ بریار دا نامەیەکێ بۆ پشکا قانوونی ل وەزارەتا ڤەگۆهاستنێ ب هنێریت بۆ پشتراستبوونا بنەمایێ قانوونی یێ ڤان فرۆتنان، و ڤەکۆلین بەردەوامن بۆ دەستنیشانکرنا خەمساران داکو بۆ دادگەهێ بهێنە رەوانەکرن.</span></h2>
