ساخلەمییا عێراقێ: هشیار بن نەکەڤنە داڤا بهایێ ئەرزان یێ بۆتۆکسی ل سەنتەرێن نەیاسایی

سەباح خەزعەلی، ڕێڤەبەرێ گشتییێ فەرمانگەها پشکنینێ ل وەزارەتا ساخلەمیا عێراقێ ڕاگەهاند: تیمێن وان د حالەتێ ئامادەباشیێ دانە بۆ بەرهنگاربوونا وان سەرپێچیێن ساخلەمییێ یێن ژیانا وەڵاتیان ئێخستیە د مەترسییێ دا” هەروەسا د ڕۆژێن بهێت دا دێ هەوەکا توند یا لێگەڕیان و پشکنینێ ئەنجام دەن بۆ دەستەسەركرنا ماددێ بۆتۆکسێ قەچاخ و هەر دەرمانەکێ دی یێ نەیاسایی.
گۆت ژی: وەزارەتا وان ب هووری چاڤدێریا وان ناڤەند و کلینیکان دکەت یێن کو ماددێن بێ ژێدەر و بێ پشکنین بکار دئینن، ڕێکارێن یاسایی یێن توند د دەرهەقێ سەرپێچیکاران دا دێ هێنە وەرگرتن.
ڕێڤەبەرێ گشتییێ پشکنینێ ل وەزارەتا ساخلەمیێ داخوازێ ژ وەلاتیان دکەت کو ب تنێ سەرەدانا ناڤەندێن نۆشداری یێن مۆلەتپێدایی بکەن و نەکەڤنە داڤا بهایێ ئەرزان یێ بۆتۆکسی ل سەنتەرێن نەیاسایی.