وەزارەتا ساخلەمیێ قەهوا چوکلێتێ قەدەغە كر

وەزارەتا ساخلەمییێ ب فەرمی بڕیارا قەدەغەکرنا ڤی بەرهەمی دا پشتی کو د پشکنینێن رێڤەبەریا کۆنترۆلا جۆری یا دەرمانی (KMCA) دا دیار بووی کو ماددەکێ کیمیایی یێ مەترسیدار د ناڤ دا هەیە.
وەزارەتا ساخلەمییێ ب نڤیسارەكا فەرمی كو د. سامان بەرزنجی، وەزیرێ ساخلەمییێ یێ هەرێما کوردستانێ ل سەرە ‘قەهوا چوکلێتێ’ قەدەغە كرییە.
گۆتییە ژی: د ناڤ قەهوێ دا ماددێ کیمیایی سیبۆترامین (Sibutramine) هاتیە دیتن. ئەڤ ماددە ژ لایێ رێکخراوێن جیهانی یێن وەک FDA (رێکخراوا خوارن و دەرمانان یا ئەمریکی) و EMA (ئاژانسا دەرمانان یا ئورۆپی) ب تەمامی هاتیە قەدەغەکرن.
ب گۆتنا د. کاوە خەلیل (رێڤەبەرێ گشتییێ کاروبارێن ساخلەمییێ) ل ساخلەمییێ یا هەرێما کوردستانێ ، ئەڤ ماددە دبیته ئەگەرێ نەخۆشیێن دلی و بلندبوونا پەستانا خوینێ.
وەزارەتا ساخلەمییێ داخواز دكەت، كو هەموو ئەو پەیج و ئەکاونتە بهێنە داخستن یێن رێکلامێ بۆ ئەڤی بەرهەمی دکەن، فرۆشیاران ژی بدەنە دادگەهێ و نابیت ئێدی ئو قەهوە بهێتە دناڤا هەرێمێ دا.