نێچیرڤان بارزانی، سه‌رۆكێ هه‌رێما كوردستانێ د 50 سالییا شۆره‌شا گولانێدا په‌یامه‌ك به‌لاڤكر و دیاركر، پێشمەرگە د ڕۆژێن دژوار دا بوونە هەلکرنا مەشخەلا شۆره‌شێ و ئومێدا ئازادییێ د دلێ گەلێ کوردستانێدا زندی کر، شۆره‌شا گولانێ وەك بەردەوامییا شۆره‌شا ئەیلوولێ ب ڕابەرایەتییا بارزانیێ نەمر، سه‌لماند کو چ هێز و پیلان نه‌شێن ئیرادەیا گەلێ کوردستانێ بۆ ڕەتکرن و به‌رهه‌نگاربوونا زۆردارییێ بشکینن.
ڕاگه‌هاند ژی، ئەرکێ نیشتیمانییێ هه‌موویانه کو میراتێ شەهیدان، دەستکەڤتێن دەستووری و فیدڕالییەتێ ب پارێزین، بلا ئەڤ ڕۆژه ببیتە هێڤێنێ ته‌ڤاهی و لێکتێگەهشتنا هەموو هێزێن سیاسی و پێکهاتەیێن کوردستانێ، داکو پێکڤە کار بۆ چارەسەرکرنا ئاریشەیان و دەربازکرنا ئالۆزیان بكه‌ن.
