<h2>نێچیرڤان بارزانی، سەرۆكێ هەرێما كوردستانێ ئه‌ڤرۆ پشكداری د ئاهەنگا دەرچوونێ یا قوتابیێن ئەكادیمییا لەشكەرییا زاخۆ كر و د ئاهه‌نگێدا ڕاگه‌هاند، ئه‌و چاڤەڕێی کارکرنێينه دگەل حکومەتا بهێت یا بەغدا و سەرۆکوەزیرێ ده‌ستنيشانكرى عه‌لى زه‌يدى، د ئاماده‌نه پێکڤە کاربکەن بۆ خزمەتکرنا هەموو عیراقێ، ب شێوەیەکی کو سيسته‌مێ فيدرالى و مافێن دەستووری يێن هه‌رێما كوردستانێ بهێنە پاراستن و ته‌ناهى و گەشەپێدان و ئاڤەدانی، بۆ هەموو عیراقێ بێ جوداهى بێنه مسۆگه‌ر‌كرن.</h2> <h2></h2> <h2>دیار ژی كر، دەڤەرا مە د ڕه‌وشه‌كا ئالۆزدا دبۆریت، وان نه‌ڤێت عیراق و هەرێما کوردستانێ ب چ ڕەنگەکی ببيته پشكه‌ك ژ ڤان ئاریشه‌یان، پاشەڕۆژا عیراقێ و يا هه‌رێما کوردستانێ پێکڤە گرێدایيە، سەرکەڤتنا مە ئێکە، ته‌حه‌د‌دى و چاره‌نڤيسێ مە ژى، هەڤپشکن، بهێزييا به‌غدا، ئانكو بهێزييا هه‌رێما كوردستانێ، بهێزييا هه‌رێما كوردستانێ، هێزه‌كه بۆ به‌غدا.</h2> <h2></h2> <h2>سەرۆكێ هەرێما كوردستانێ دیاركر، کارێ هەڤپشك یێ ل سەر بنەمایێ دەستووری و ڕێزگرتنا دوولایەنە و هه‌ڤپشكييا نيشتمانى، ب تنێ ڕێیه‌كە بۆ ئاڤاکرنا عیراقەکا بهێز و بتنێ خزمەتا هەموو وەلاتییێن خۆ بکەت، ئەم د ئیرادەیا خۆدا د ڕژدین بۆ چارەسەرییا هه‌موو ئاریشه‌یان ل سه‌ر بنه‌مايێ ده‌ستوورى.</h2>
