كارناما كابینەیا نوو یا حكومەتا عێراقێ دێ گەهیتە پەرلەمانى

سەرۆكاتیا پەرلەمانێ عێراقێ ئاشكرا كر كو ئەڤڕۆ یان سۆباهى، كارناما كابینەیا نوو یا حكومەتێ ژ لایێ سەرۆكوەزیرێن راسپاردی دێ گەهیتە پەرلەمانێ عێراقێ.

ئەڤڕۆ چارشەمبی، د ناڤ روونشتنا پەرلەمانێ عێراقێ دا، هەیبەت حەلبووسی سەرۆکێ پەرلەمانێ عێراقێ ڕاگەهاند: “ئەڤڕۆ چارشەمبى یان سۆباهى پێنجشەمبى، دێ كارناما كابینەیا نوو یا حكومەتا عێراقێ ژ لایێ عەلی زەیدی سەرۆكوەزیرێن راسپاردیڤە گەهیتە مە.”

هەروەسا ڕاگەهاند ژى: “پشتی گەهشتنا كارناما حكومەتێ، ئێكسەر دێ ب سەر هەموو ئەندامێن پەرلەمانى دا هێتە بەلاڤكرن، داكو خواندن و پێداچوون ل سەر بهێتە كرن.”