سەرۆکێ حکومەتا هەرێما کوردستانێ و سەرۆکێ دەستەیا حەشدا شەعبی داوی گوهۆرین و پێشهاتێن عێراقێ و دەڤەرێ گەنگەشە کرن و تەكەزی ل سەر پێکئینانا حکومەتەکێ کر، کو ڕێزێ ل قەوارێ دەستووری و مافێن گەلێ کوردستانێ بگریت.
ئەڤڕۆ چارشەمبی، ٢٩ێ نیسانا ٢٠٢٦ێ، مەسرور بارزانی، سەرۆکێ حکومەتا هەرێما کوردستانێ، پێشوازی ل فالح فەیاز، سەرۆکێ دەستەیا حەشدا شەعبی کر.
د وێ دیدارێ دا، ڕەوشا گشتی و داوی گوهۆرین و پێشهاتێن عێراقێ و دەڤەرێ هاتنە بەحسکرن.
مەسرور بارزانی و فالح فەیازی بەحسێ بزاڤێن پێکئینانا کابینەیا نوو یا حکومەتا فیدڕالی کر و تەكەزی ل سەر گرنگیا پێکئینانا حکومەتەکا خزمەتگوزار کر، کو دەربڕینێ ژ خواستێن هەموو پێکهاتەیێن عێراقێ بکەت و ڕێزێ ل قەوارێ دەستووری و مافێن خەلکێ کوردستانێ بگریت.