وەزارەتا پێشمەرگەیی ڕاگەهاند، ئەڤڕۆ چارشەمبی 18ی ئادارا 2026، دو بارەگەهێن یەکەیێن سەر ب وەزارەتا پێشمەرگەیڤە ل هەردو پارێزگەهێن هەولێر و سلێمانییێ بوونە ئارمانجا هێرشێن درۆنی، کو ب مخابنی د ئەنجامێ ڤان هێرشان دا سێ پێشمەرگەهێن قەهرەمان بریندار بوون.
د ڕاگەهاندنا وەزارەتێ دا هاتییە: ئەڤ دەستدرێژییا نەبەرپرسانە د دەمەکێ دایە کو پێشتر ژی چەندین جاران بارەگەهێن هێزا پێشمەرگەیی ڕووبڕووی بۆردۆمانان بووینە، مە فەرماندەیا گشتی یا هێزێن چەکدارێن عێراقێ و فەرماندەیا ئۆپەراسیۆنێن هەڤپشک ژ ڤان بنپێکارییان ئاگەهدار کرینە و ب توندی ڤێ کریارا تیرۆریستی شەرمزار دکەین.