وه‌زاره‌تا ناڤخۆ یا عیراقێ: هەر كەسێ ئەو جهێن دهێنە ئارمانجكرن بەلاڤ بكەت، دێ هێتە سزادان

وەزارەتا ناڤخۆ یا عیراقێ ڕێنما و ڕێکارێن نوو یێن ئێمناهییێ بۆ پاراستنا وەلاتییان ڕاگەهاندن و دیاركر، ئاساییشا عیراقێ بەرپرسیارەتییەکا هەڤپشکە و پابەندبوون ب قانوونێ تاکە ڕێیه‌ بۆ ڕێگریکرن ل تێکدەران.

وەزارەتا ناڤخۆ دووپاتی ل سەر ڤان خالێن خوارێ كر:

1. ب هەموو شێوەیان بەلاڤکرن یان گرتنا ڤیدیۆ و وێنەیێن وان جهان یێن دهێنە ب ئارمانجکرن د تۆرێن جڤاکیدا قەدەغەیە، ژبه‌ركو ئەڤ چەندە دبیتە ئەگەرێ ئاشکراکرنا پێگەهێن هەستیار و خزمەتا لایەنێن نەیار دکەت.

2. پێدڤییە وەلاتی ژ وان جهان دووربكەڤن یێن ڕوودان تێدا ڕووددەن، ئەڤە ژی ژ پێخەمەت پاراستنا سلامەتییا وان و ڕەخساندنا دەرفەتێ بۆ هێزێن ئێمناهییێ داکو ئەرکێن خۆ بجهبینن.
3. پێدڤییە دەزگەهێن ڕاگەهاندنێ د ڤەگۆهاستنا نووچەیاندا د هشیاربن، خۆ ژ بەلاڤکرنا هوورکارییێن ڕوودانان دوور بكەن، هەر دەزگەهەکێ سەرپێچییێ بکەت دێ به‌رهه‌نگاری لێپرسینەکا قانوونی یا توند بیت.

4. داخواز ژ وەلاتییان دهێتە کرن ب ڕێیا پەیوەندیکردنێ ب هێلا گەرم 911، وەزارەتا نافخۆ ئاگەهدار بکەن ژ هەر بەلاڤکرن و ڤیدیۆیەکا سەرپێچییان.

5. ڕێڤەبەرییا بەرهه‌نگاربوونا تاوانێن زانیاری ب هەماهەنگی دگەل دەسهەلاتا دادوەری، دووڤچوونەكا هوور بۆ ڤی بابەتی دکەت و دێ ڕێنمایێن قانوونی دژی هەموو سەرپێچیکاران گریتەبەر.