<h2>رێڤەبەرییا گشتییا سەقاناسی و ئەردهەژان ل هەرێما کوردستانێ، پێشبینیێن سەقایی بۆ 48 دەمژمێرێن بهێت بەلاڤکرن و ڕاگەهاند، ل هندەک دەڤەران تاڤییێن بارانێ دێ بەردەوام بن و بۆ سوبەهی پلەیێن گەرمێ دێ بەرەڤ بلندبوونێڤە چن.</h2> <h2>دوشەمبی 16ی ئادارا 2026: ئەسمانێ هەرێما کوردستانێ ب گشتی دێ دناڤبەرا تەمام عەور و نیڤ عەوری دا بیت، ل دەڤەرێن رۆژهەلاتێ هەرێما کوردستانێ (پارێزگەهێن سلێمانی، هەلەبجە و ئیدارێن سەربەخۆ یێن راپەڕین و سۆران) ل گەل دەڤەرێن سنووری یێن باکور، بارین بارین ب شێوێ تاڤییێن بارانەکا کێم و هەتا دەمێن ئێڤاری دێ بەردەوام بیت، پاشی سەقا دێ بەرەڤ جێگیربوونێ چیت.</h2> <h2>سوبەهی سێشەمبی 17ی ئادارا 2026: ئەسمانێ هەرێمێ ب گشتی دێ عەور بیت، د دەمێن ئێڤاری دا دێ هێتە گوهۆڕین بۆ نیڤ عەور و ساهی، د دەمێن سپێدەهییا زوو دا، ئەگەرێ پەیدابوونا (مژێ) هەیە ب تایبەتی ل دەڤەرێن چیایی، پلێن گەرمێ ب هەڤبەركرن ل گەل ئەڤرۆ ب 1 هەتا 2 پلەیان دێ بلند بن.</h2>
