<h2>بەختیار حاجی حەمەد، ڕێڤەبەرێ گشتیێ کاروبارێن پەیوەندییان و دویڤچوونێ ل نوونەراتیا حکوومەتا هەرێمێ ل بەغدا ڕاگه‌هاندییه، هەتا نوکە چ هێرشێن زیانێن گیانی نەبووینە، پێدڤییە دەستخۆشییێ ل سیاسەتا هەڤسەنگ و عاقلانە یا حکومەتا هەرێما کوردستانێ و بزاڤێن هەڤپەیمانان بکەین بۆ ژناڤبرنا هەموو هێرشان و ئەو بەرهەڤیێن بۆ خۆپارێزییێ هاتینەكرن.</h2> <h2> دیار ژی كر، ڕاستە د دەمێ شەڕاندا قەیرانا ئاڤ و کارەبێ پەیدا دبیت، لێ ئەگەر حکومەتا فیدرالی ڕێگر نەبا، نوکە کۆرمۆر ژی خودان دژەدرۆن و ڕۆکێت با، ب ڤێ چەندێ ژی ئاریشه بۆ کارەبا 24 دەمژمێری دروست نەدبوو.</h2> <h2> نوونەراتییا حکومەتا هەرێما کوردستانێ ل بەغدا داخوازییه‌ك ژ هه‌موو ڕۆژنامه‌ڤان ده‌زگه‌هێن ڕاگه‌هاندنێ كر، د دەمێ گەهاندنا نووچەیاندا، جهێ کەڤتن و ژناڤبرنا درۆن و مووشەك و هێرشان ئاشکەرا نەکەن، داکو هێرشکار مفاێ ژ زانیارییان وەرنەگرن.</h2>
