سەرۆك مه‌سعود بارزانی ب هه‌لكه‌فتا 73ـێ سالییا دامەزراندنا ئێكه‌تییا قوتابیان و لاوێن دیموکراتا کوردستانێ په‌یامه‌ك به‌لاڤكر.
ده‌قێ په‌یامێ؛
ب ناڤێ خودێ یێ مه‌زن و دلۆڤان
ب هەلکەفتا حەفتێ و سێی سالییا دامەزراندنا ئێكه‌تییا قوتابیان و لاوێن دیموکراتا کوردستانێ، گەرمترین پیرۆزباهییان ل سکرتێر، ئەندامێن سکرتارییەتێ، هه‌موو لاو و قوتابیێن خۆشتڤی یێن کوردستانێ دکەم و هیڤیبا سەرکەڤتن و بەردەوامییێ بۆ وان دخوازم.
ئێكه‌تییا قوتابیان و لاوێن دیموکراتا کوردستانێ د شۆره‌شا ئەیلۆل، گولان و سه‌رهلدان و قۆناغێن دی دا، بوویە جهێ پەروەردەکرنا خەباتکار و نشتیمانپەروەر و کادرێن ب شیان، هەروەسا ڕۆلێ خۆ د پشته‌ڤانیكرنا پێشمەرگەی و خەباتا بزاڤا ڕزگاریخوازییا کوردستانێدا ب شایستە گێڕایە و قوربانی داینە.
كارێ ڕێکخراوا قوتابی و لاوان کو د هەموو ڕه‌وش و قۆناغاندا، شیایه پابەندی بهایێن بلند یێن ڕێبازا کوردایەتیێ بن، و ب ڕێیا بەلاڤکرنا هۆشیاریا نشتیمانی و باوەری بخۆبوونا نەتەوەیی د ناڤ جڤاکیدا، خزمەتا ئارمانجێن بلند یێن گەلێ کوردستانێ بکەن.
