رۆیتەرز: مارک ساڤایا هنارتییێ تایبەت یێ ئەمریکا بۆ عێراقێ ژ پۆستێ وی هاتە دوورخستن

ئاژانسا نووچەیان یا رۆیتەرز ژ زارێ چەند ژێدەرێن ئاگەهدار راگەهاند کو مارک ساڤایا، هنارتییێ تایبەت یێ ئەمریکا بۆ عێراقێ، ئێدی د پۆستێ خۆ دا نەمایە” ئەڤ پێشهاتە د دەمەکی دایە کو گرژی د ناڤبەرا واشنتۆن و بەغدا دا بەرەف زێدەبوونێ دچن، ژبەر بزاڤێن ئەمریکا بۆ کێمکرنا هەژموونا ئیرانێ ل عێراقێ.
ساڤایا بازرگانەکێ کریستیانێ عێراقی-ئەمریکییە و ئێک بوو ژ وان کەسایەتیێن عەرەب یێن کو ترەمپی ل مەها چریا ئێکێ یا سالا بۆری دەستنیشانکری، وەک پشکەک ژ پلانا وی بۆ بدەستڤەئینانا دەنگێن عەرەب و موسلمانان ل ئەمریکا.
هەر چەندە ب فەرمی ئەگەر نەهاتینە راگەهاندن، بەلێ ژێدەر ئاماژێ ب “سەرەدەرییا خراب” یا ساڤایایی دگەل رەوشا ئالۆز ل عێراقێ ددەن.
ئێک ژ ئەگەرێن سەرەکی یێن نەرازیبوونا واشنتۆنێ، شکەستنا ساڤایا بوو د ڕێگریکرنێ ل کاندیدکرنا نوری مالکی بۆ پۆستێ سەرۆکوەزیران؛ کو ترەمپی ب ئاشکرا هۆشداری ل سەر دابوو.
دەنگۆ هەنە کو دبیت تۆم باراک ببیتە جهگرێ وی، کو دهێتە نیاسین ب نزیکییا وی یا زۆر ژ ترەمپی.