ترەمپی سۆپاسییا سەرۆك بارزانی كر

سەرۆك مەسعود بارزانی ل پیرمام پێشوازی ل جۆشول هاریس ڕێكخەرێ كاروبارێن بالیۆزخانەیا ئەمریكا ل عیراقێ و وێندی گرین كونسۆلا گشتییا ئەمریكا ل هەرێما كوردستانێ كر.
د دیدارا واندا، ڕێكخەرێ كاروبارێن بالیۆزخانەیا ئەمریكا ب ناڤێ سەرۆك و حكومەتا ئەمریكا سوپاسی و پێزانین ئاراستەیی سەرۆك بارزانی كرن، بۆ هەموو ئەوان بزاڤ و پشتەڤانییان یێن ژ پێخەمەت دووماهی ڕێككەڤتنا دناڤبەرا حكومەتا سووریا و هێزێن سووریا دیموكراتدا كرین.
سەبارەت پرۆسەیا سیاسییا عیراقێ، جارەكا دی پشتەڤانی و هەلویستێ ئەمریكا بۆ هەرێما كوردستانا ب هێز د چارچووڤێ عیراقێدا دووپاتكر.
سەرۆك بارزانی زێدەباری بخێرهاتنێ، سوپاسییا ڕۆل و هەلویستێ ئەمریكا كر بۆ پشتەڤانییا وێ ل گەلێ كوردستانێ و ئاماژە ب هندێ دا، ئەگەر هەلویست و پشتەڤانییا ئەمریكا نەبان، ل سالا 1991ێ ئەو نەدشیان دەستكەڤتێن سەرهلدانێ و پەرلەمانی و حكومەتا هەرێما كوردستانێ بپارێزن.
دهەمان دیداردا، هزر و بوچوون سەبارەت پرۆسەیا سیاسییا عیراقێ هاتنە لێكگۆهارتن، هەردوو لایان دووپاتی ل گرنگییا پابەندبوون ب دەستووری كر، هەڤرابوون كو عیراق بخۆ بریارێ ل سەر ڕەوشا وەلاتێ خۆ ل سەر بنەمایێ هەڤپشكی و هەڤسەنگی و سازانێ بدەن.
دڤی بیاڤیدا، هەردوو لایان پێشوازی ل دانوستاندنان و شیرەتكارییێن ڤێ دووماهییێ یێن بەغدا كر بۆ ب دەستخستنا ڕێكاران و سیناریۆیێن سیاسی كو تیێدا بەرژەوەندییێن عیراقییان بەرچاڤ بهێنە وەرگرتن، دهەموو لایاندا شەراكەتا ئەمریكا و عیراقێ بهێزتر لێ بهێت.