قووناغا دووێ یا پرۆژێ کۆڕنیشێ زاخۆ دهێتە تەمامكرن

قووناغا دووێ یا پرۆژێ کۆڕنیشێ زاخۆ ب كوژمێ شەش ملیار دیناران دهێتە تەمامكرن و رێژێ 50% ێ كەسكاتی تێدا هەیە.

فەرمانگەها میدیا و زانیاری بەلاڤكرییە: قووناغا دووێ یا پرۆژێ کۆڕنیشێ زاخۆ ب كوژمێ شەش ملیار دینار دێ هێتە تەمامكرن و د ڤێ قووناغێ دا درێژاهییا کۆڕنیشێ زاخۆ، سێ کیلۆمەترە و پتر ژ 50% ێ كەسكاتی تێدا هەیە.

ئەو ژی گۆت: ئەو پرۆژە 85% ێ” هاتییە تەمامكرن کو خوارنگەهـ، کافتریا و بەلەمێن گەشتیاری د وی پرۆژەییدا هەنە، ب تەمامبوونا وی پرۆژەیی دێ هژماران گەشتیاران بۆ زاخۆ پتر لێ هێت.

کۆڕنیشێ زاخۆ، ئێکە ژ پرۆژێن جوان و سەرنجڕاکێش یێن کابینا نەهێ یا حکومەتا هەرێما کوردستانێ و ئیدارا سەربەخۆیا زاخۆ.