عێراقێ هاتنا کرێکارێن بیانى ژ پێنج وەلاتان قەدەغە کر

حکومەتا عێراقێ هاتنا کرێکارێن بیانى ژ پێنج وەلاتان ب رەنگەكێ ” دەمكى” قەدەغە کر.

حەسەن خەوام، پەیڤدارێ وەزارەتا کار و کاروبارێن جڤاكییا عێراقی دیار كر: ئەو  بڕیارە ژ وەزارەتا ناڤخۆیا عیراقێ دەرچوویە، كو کرێکارێن سووری، پاکستانى، بەنگلادیشى، ئێندۆنیزی و فلیپینى ڤەدگریت و رێك پێ ناهێتە دان بۆ کارکرنێ بهێنە عێراقێ.

حەسەن خەوامی گۆت ژی: وەزارەتا کار و کاروبارێن جڤاكی لایەنێ بجهئینان یێ وێ بڕیارێیە و هەر جهەكێ ئەو کرێکارە لێ بن” دێ وەزارەتا ناڤخۆ ئاگەهدار كەین ب مەرەما گرتنەبەرا رێكارێن یاسایی ل دژی وان.”