نێچیرڤان بارزانی و شیرەتكارێ ئاسایشا نیشتیمانی یا بریتانیا کۆمبوون
ئه‌ڤرۆ دووشەمبی 2026/10/19ێ، نێچیرڤان بارزانی، سەرۆکێ هەرێما کوردستانێ، پێشوازی ل جۆناسان پاوڵ، شیرەتكارێ ئاسایشا نیشتیمانی یا بریتانیا و شاندێ دگەلدا کر.
د کۆمبوونێدا، بەحس ل پەیوەندیێن بریتانیا دگەل عێراقێ و هەرێما کوردستانێ، تایبەتی د بوارێ ئەمنی و سەربازیدا هاتە كرن و هەروەسا بەحس ل هاریکاریا هەڤپشک یا ناڤبەرا وان بۆ بەرهنگاربوونا تیرۆرێ و پاراستنا ئارامیێ ل عێراقێ و دەڤەرێ هاتە کرن.
ڕەوشا ناڤخۆ یا هەرێما کوردستانێ و بزاڤێن پێکئینانا کابینا نوو یا حکومەتا هەرێما کوردستانێ، پەیوەندیێن هەولێرێ و بەغدایێ، دووماهی پێشهاتێن سیاسی و ئەمنیێن هەموو دەڤەرێ تەوەرەکێ دی یێ کۆمبوونێ بوون.
