سەرۆك مه‌سعود بارزانی ب هه‌لكه‌فتا سالڤه‌گه‌ڕا ڕۆژنامه‌گه‌رییا كوردى و دامه‌زراندنا سه‌ندیكا ڕۆژنامه‌ڤانێن كوردستانێ پیرۆزباهى ل میدیاكارێن كوردستانێ كر و ڕاگه‌هاند، ڕاگه‌هاندن و ڕۆژنامه‌ڤان چه‌كه‌كێ بهێزن بۆ نیاسینا دۆزا ڕه‌وا یا گه‌لێ مه بۆ جیهانێ و ئامرازه‌كا كاریگه‌رن بۆ پاراستنا فه‌رهه‌نگا پێكڤه‌ژیان و بهێزكرنا كلتوورێ ئاشتیخواز و لێبوورینا گه‌لێ كوردستانێ.
سەرۆك بارزانی دیاركر، ڕۆژنامه‌ڤان، ڕاگه‌هاندن و میدیاكار فاكته‌رێن گرنگن بۆ هۆشیارییا نه‌ته‌وه‌یى و پاراستن و ده‌وله‌مه‌ندكرنا زمانێ كوردى، ئه‌و هیڤیدارن ڕۆژنامه‌ڤان د كارێ خۆدا دگه‌ل پێشهاتان مامه‌لێ بكه‌ن بۆ لبه‌رچاڤوه‌رگرتنا بها و به‌رژه‌وه‌ندییێن گه‌لێ مه.
