سه‌رۆك مه‌سعود بارزانی ل دۆر سالڤه‌گه‌ڕا جینۆسایدا ئه‌نفالا ڕاگه‌هاند، ئەنفال ئه‌و تاوانه یا كو ژ لایێ ڕژێما پێشتر یا عیراقێ ل دژی گەلێ مە هاتیە ئەنجامدان، 180 هزار وه‌لاتییێن بێتاوان یێن کوردستانێ بێ سەر و شوین و شەهید بوون، هەڤتەریب دگەل وێ کیمیابارانکرن و خرابکرنا ژێرخانا ئابوورییێ کوردستانێ و وێرانکرنا هزاران گوندان، كو پشكه‌كا دی یا وان تاوانان بوون.
سه‌رۆك بارزانی دیاركر، تاوانبار کەفتنە ناڤ زبلدانا دیرۆکێ، لێ برین و شوینوارێن وێ جینۆسایدێ و زۆلمێ هێشتا یێن ماین و نەهاتینە ساخکرن، دڤێت دەولەتا عیراقێ قەرەبوویا ئەنفالێ و وێ جینۆسایدا کو ل دژی مللەتێ مە هاتیە ئەنجامدان بکەت. هەروەسا پێدڤییە ڕێك ل هەموو جۆرێن دیتن و سیاسەت و کریارێن شۆڤینی یێن ل دژی خەلکێ کوردستانێ بێنە گرتن، د 37 سالیا خەمناك یا ئەنفالێدا باشترین وەفا بۆ شەهیدێن ئەنفالێ ئەوە، د خزمەتکرن و پاراستنا وەلاتێ خۆ دا ئێكدەنگ بین و پێکڤە داهاتیەکا گەش بۆ گەلێ خۆ ئاڤا بکەین.
