<h3>جڤاتا وەزیرێن هەرێمێ ب سه‌رپه‌رشتییا سه‌رۆكوه‌زیران مه‌سرور بارزانى ئەڤرۆ ڕۆژا چارشەمبی دێ كۆمبیت و سێ تەوەرێن گرنگ دێ گوتوبێژكەن. ته‌وه‌رێن كۆمبوونێ؛ تەوەرێ ئێكێ: تایبەتە ب پێشنیارا ڕێبەر ئەحمەد، وەزیرێ ناڤخۆ بۆ درێژەدانا كاركرنێ ب بڕیارا پێشتر یا جڤاتا وەزیران تایبەت ب داشكاندنا 20% ل سەر سزایێن سەرپێچییێن هاتنوچوونێ بۆ شەش هەیڤێن دی. تەوەرێ دووێ: تایبەتە ب ئێكلاكرنا ئاریشه‌یێن ئەو فەرمانبەرێن ل سەر میلاكێن سازییێن حكومەتا هەرێمێ ب شێوەیێ هەمیشەیی و گرێبەست هاتینە دامەزراندن، لێ ل ڕێكەفتی 01-07-2024ـێ مووچە بۆ نەهاتیە تەرخانكرن ب ئەگەرێ جێگیركرنا میلاكێ هەیڤا تەمموزێ ژلایێ وەزارەتا دارایی یا عیراقێڤە. تەوەرێ سییێ: تایبەتە ب بابەتێ دەرچوویێن كۆلیژا پزیشكییا گشتییا زانكۆیێن حكومی بۆ سالا 2024.</h3>
