ئەڤرۆ چارشەمبی 5 ی ئادارا 2025 ێ” ل سەلاحەددین سەرۆك مەسعود بارزانی پێشوازی ل ئادریان ئایسلستێین كونسولێ گشتییێ هۆلەندا ل هەولێرێ كر.
كونسولێ گشتییێ هۆلەندا ل هەولێرێ پێزانین بۆ ڕۆلێ سەرۆك بارزانی د دیرۆكا سیاسییا دەڤەرێ و عێراقێ و دەستەبەركرنا سەقامگیرییێ ل هەرێما كوردستانێ هەبوو، ئامادەییا وەلاتێ خۆ ڕاگەهاند بۆ پێشڤەبرنا پەیوەندییان ل گەل هەرێما كوردستانێ د بیاڤێن جودا دا ب تایبەتی د بیاڤێن چاندنێ و گەشتوگوزاری و پاراستنا ژینگەهێ دا.
سەرۆك بارزانی سوپاسییا گەل و حكومەتا هۆلەندا كر” كو ل ڕۆژێن تەنگاڤیاندا پشتەڤانییا گەلێ كوردستانێ كرییە و پێزانین بۆ هێزێن سەربازی یێن هۆلەندا هەبوون” كو ل شەڕێ داعشێ د چارچوڤێ هەڤپەیمانییا نێڤدەولەتی دا هاریكارییا هێزێن پێشمەرگێ كوردستانێ كرینە و تەكەزی ل سەر بەرفرەهكرنا پەیوەندی و دۆستایەتییا دناڤبەرا گەلێ كوردستانێ و گەلێ هۆلەندا دا كرییە.
رەوشا سیاسییا عێراقێ و دەڤەرێ و گوهۆرینێن سوورییێ و پێنگاڤێن پڕۆسا ئاشتییێ ل توركیا تەوەرەكی دیترێ ئەوێ دیدارێ بوون.
سەرۆك بارزانی گۆت: ئەوا ب مە بهێتە كرن بۆ هاریكارییا پڕۆسا ئاشتییێ و چارەسەرییێ ل توركیا دێ ئەنجامدەین.
