جێگرێ سه‌رۆكێ لژنا نه‌فت وغازێ ل پەرلەمانێ عیراقێ دیار كر: بریاره سوبەهی سێشەمبی كۆمبوونه‌كا گرنگ دناڤبەرا وه‌زاره‌تا نه‌فتا عێراقێ و وەزارەتا سامانێن سروشتی یا هه‌رێمێ و كۆمپانیا ئه‌پیكۆر دەر‌باره‌یی پرۆسا هنارتنا نه‌فتا هه‌رێما كوردستانێ بهێتە كرن، ئەو كۆمبوونه دێ كۆمبوونه‌كا چاره‌نڤیسسازه بیت، دەربارەیی كه‌رتێ نه‌فتا هه‌رێما كوردستانێ.
ناڤهاتی زێدەتر گۆت: كۆمبوونا سوبەهی بۆ دو مه‌رەمان دێ هێتە كرن، یا ئێكێ دەربارەیی كرێیا كۆمپانیان بۆ ده‌رخستنا نه‌فتێ و ئه‌و 16 دۆلارێن هاتینە دیار كرن بهێنە گه‌ره‌نتی كرن، یا دووێ دەر‌باره‌یی قه‌رزێن كۆمپانییێن نه‌فتێنه، کو ل دەمێ بوری وان كۆمپانییا نه‌فت ده‌رخستیه و نوكە پارێ وان نەهاتیە دان، ئه‌و ژی دێ هێتە ئێكلا كرن، چونكی ئه‌پیكۆر ژ هه‌شت كۆمپانیا پێك دهێت و 60% ێ یا نه‌فتا هه‌رێما كوردستانێ ئه‌و به‌رهه‌م دئینن.
د. سه‌باح سوبحی گۆت ژی: كۆمبوونا سوبەهی دێ یا گرنگ و ئێكلاكەر بیت، هەروەسا بڕیار ل سه‌ر هنارتنا نه‌فتا كوردستانێ هاتیە دان و پێشبینی دهێتە كرن” ل چه‌ند ڕۆژێن بهێن و هەتا نیڤا هەیڤا ئادارێ نه‌فتا هەرێمێ بهێتە هنارتن.
