مەسرور بارزانی: سەرکەڤتنا پڕۆسەیا هەلبژارتنان سەرکەڤتنا هەرێما کوردستانێ بوو

سەرۆکێ حکومەتا هەرێما کوردستانێ ب هەلکەڤتا ب دووماهی هاتنا  پڕۆسەیا دەنگدانێ بۆ خولا شەشێ یا پەرلەمانێ کوردستانێ پەیامەك بەلاڤکر

دەقێ پەیاما سەرۆکێ حکومەتێ:

سەرکەڤتنا پڕۆسەیا هەلبژارتنێن خولا شەشێ یا پەرلەمانێ کوردستانێ، سەرکەڤتنا هەرێما کوردستانێ بوو ل ئەزموونەکا دی یا دیمۆکراسی دا.

ب ئەڤێ هەلکەڤتێ، پیرۆزباهییێ ل گشت وەلاتییێن هەرێما کوردستانێ ب هەمی پێکهاتەییانڤە دکەم، سوپاسییا خۆ ڕاگری و پشکدارییا کارا یا وەلاتییان و ب تایبەتی مالباتێن سەربلندێن شەهیدان دکەم.

سوپاسییا کۆمسیۆنا بلند یا سەربەخۆ یا هەلبژارتنێن عیراقێ دکەم بۆ ئەنجامدان و سەرپەرشتیکرنا ئەڤێ پڕۆسەیێ و دەستخۆشییێ لێ دکەین، هەرچەندە پشکداری نەکرنا ڕێژەیا زۆر یا وەلاتییان ب ئەگەرێ هەبوونا ئاریشەیێن تەکنیکی، بوویە جهێ دلگرانییا مە، لەوڕا پێدڤییە بزاڤێن جددی بهێنە کرن ل هەلبژارتنێن بهێت، کو ئەڤ ئاریشەیە بهێنە چارەسەرکرن و مافێ دەنگدانا هەر وەلاتییەکی ب تەمامی بهێتە زامن کرن.

سوپاسییەکا تایبەت بۆ هێزێن ئاسایشا ناڤخۆ بۆ ئەوی سەقایێ ئارام یێ بۆ هەلبژارتنان دابینکری.

سوپاس بۆ چاڤدێرێن ناڤدەولەتی کو ژێدەرێن ئەڤێ سەرکەڤتنێ بوون.

سوپاسییا گشت لایەنێن سیاسی دکەم بۆ پشکداریکرکرنا وان د ئەڤێ هەلبژارتنێدا و هاریکارییا وان بۆ سەرکەڤتنێ.

پشت ب خودێ و پشتەڤانییا وەلاتییێن مە یێن دلسۆز، هیڤیخوازم ب هەبوونا پەرلەمانەکێ کارا و پشکدارییا دلسۆزان و نیشتیمانپەروەران، د شیاندابیت ب زووترین دەم کابینەیا دەهێ یا حکومەتا هەرێما کوردستانێ بئێخنە د خزمەتا ئارامی و ئاڤەدانی و پێکڤەیی و پێشکەڤتنا زێدەتر یا هەرێما کوردستانێ.

مەسرور بارزانی

سەرۆکێ حکومەتا هەرێما کوردستانێ