سه‌رۆكوه‌زیران مه‌سرور بارزانى ل ئێك ژ بنگه‌هێن ده‌نگدانێ ل پیرمام ده‌نگێ خۆ دا و ڕاگه‌هاند، هیڤیداره ئه‌و وه‌لاتییێن ئه‌ڤرۆ مافێ ده‌نگدانێ هه‌ى، بچنه سه‌ر سندۆقێن ده‌نگدانێ و بریارێ ل سه‌ر دیاركرنا نوونه‌ر و حكومه‌تا خۆ یا بهێت بده‌ن.
دیار ژى كر، هیڤییا ئه‌وه ئه‌ڤرۆ هه‌لبژارتنێن په‌رله‌مانێ كوردستانێ دسه‌قایه‌كێ ئارامدا و بێى ئاریشه بهێنه‌كرن، خه‌لكێ كوردستانێ پاداشتێ خزمه‌تێ و ڕاستگۆییێ بده‌ت، وان كه‌سان ژى سزا بده‌ت، یێن یارى ب چاره‌نڤیس و مافێ خه‌لكێ هه‌رێما كوردستانێ كرین، هیڤییا وى ئه‌وه سه‌ركه‌ڤتن بۆ كوردستانێ بیت، یێ پشتراسته خه‌لكێ كوردستانێ دێ هه‌رده‌م یێ سه‌ركه‌ڤتى بیت.
