مافێ مرۆڤى: سێداره‌دانا ب كۆم ل عیراقێ هه‌یه‌

ڕێكخراوا ئافات كو ڕێكخراوه‌كا نێڤده‌وله‌تییا مافێ مرۆڤییه‌ ئاشكراكر، ڕێژه‌یا سێداره‌دانێ ل عیراقێ زێده‌بوویه‌ و هنده‌ك جاران سێداره‌دانا ب كۆم ل عیراقێ دهێته‌ بجهئینان، هنده‌ك جاران زیندانییێن ب ته‌مه‌ن و نه‌خۆش دهێنه‌ سێداره‌دان، گه‌له‌ك جاران زیندانییێن بێى تاوان ژى ل ژێر ئه‌شكه‌نجه‌دانێ دمرن.
ڕێكخراوێ دیاركر، ژماره‌كا وان كه‌سێن دهێنه‌ سێداره‌دان، بازرگانێن مادده‌یێن هۆشبه‌رن، پێدڤییه‌ سه‌رۆككۆمارێ عیراقێ ڕوونكرنێ ل دۆر ڤێ چه‌ندێ بده‌ت، ژبه‌ركو ئه‌و بخۆ ئیمزایێ ل سه‌ر سێداره‌دانێ دكه‌ت.