غه‌ریب ئه‌حمه‌د: وەزارەتا بارزگانییا عێراقێ ب بهانه‌یێن جودا پارێ گەنمێ جۆتیارێن هەرێمێ ڤرێناكەت

غەریب ئەحمەد ئەندامێ لژنا چاندنێ ل پەرلەمانێ عیراقێ راگەهاند: وەزیرێ بازرگانییا عیراقێ ئێك ژ وان وەزیرانە كو سەرەدەرییەكا خراب هەیە و ئەو ئەركێ پێهاتییەدان وەكو پێدڤی نەشیایە د ئاستێ بەرپرسیارەتیێ دابیت” هەروەسا تەئكید كر كو پێدڤییە جوتیارێن هەرێما كوردستانێ رەخنێن خۆ و بەرێ خو بدەنە وەزیرێ بارزگانیا هەرێما كوردستانێ بۆ وێ چەندێ ئەو ژی د خەما واندا بیت.

ده‌رباره‌یی نەهنارتنا پارێ گەنمێ جوتیارێن هەرێمێ ناڤهاتی گۆت : وەزارەتا بارزگانییا عیراقێ هەردەم ب به‌هانه‌كێ بەرامبەر نەهنارتنا پارێ گەنمێ جۆتیارێن هەرێما كوردستانێ دئینیت كو ب تنێ ئەو كێشا جۆتیارێن هەرێمێ نینە بەلكو جۆتیارێن كەركوك و نەینەوا و سەلاحەدین ژی هەر ئەو كێشە هەیە و پارە ل بەر دەستدا نینە كو هەتا شایستان ڤرێكەت” نێزیكی سێ هەیڤان ب سەر وەرگرتنا گەنمێ جۆتیاران بورینە و بریار ئەو بوویه‌ پشتی حەفتییەكێ رێژا پارەیی بگەهیت” بەلێ عیراقێ پارێ پارێزگەهێن دی دایە و ب تنێ هەرێما كوردستانێ ژێ هاتیە بێ بەهركرن.