ل سەلاحەددین ئهڤرۆ ڕۆژا چارشهمبى سەرۆك مەسعود بارزانی پێشوازی ل کلاوس شترایشەر، کونسۆلێ گشتییێ ئەلمانیا ل هەولێرێ کر.
کونسۆلێ گشتییێ ئەلمانیا ل هەولێرێ سوپاسییا سەرۆك بارزانی کر کو ل دەمێ كاركرنێ ل هەولێرێ هەردەم پشتەڤان بوو و پێزانین بۆ مێهڤانداری و هەماهەنگییا سازییێن هەرێمێ و خەلكێ کوردستانێ هەبوو. کونسۆلێ ئەلمانیا ئاماژە ب گرنگییا پەیوەندییێن هەرێما کوردستانێ و ئەلمانیا كر.
سەرۆك بارزانی دووپات ل گرنگییا پێشڤەچوونا هەماهەنگی و بەردەوامییا پەیوەندییێن دناڤبەرا هەرێما کوردستانێ و ئەلمانیا كر، هەروەسا سوپاسییا كار و ماندیبوونا کونسۆلێ گشتییێ ئەلمانیا كر و هیڤیا سەركەفتنێ بۆ خواست.
هەر د دیدارێدا سەرۆك بارزانی و کونسۆلێ گشتییێ ئەلمانیا بەحس ل هەلبژارتنێن هەیڤا دەهـ یێن پەرلەمانێ کوردستانێ، هێرشێن تیرۆری ل سەر ئاستێ عیراق و دەڤەرێ كر و سەرۆك بارزانی دووپات ل هندێ كر كو پێدڤییە هەلبژارتنەكا پاقژ و شەفاف و د سەقایەكێ ئارامدا بهێتە ئەنجامدان.
