مەحموود محەمەد، پەیڤدارێ پارتی دیموکراتی کوردستان ئەڤرۆ ڕۆژا سێشەمبی ڕاگەهاندنەك بەلاڤكر و دیاركر، ئەڤە دەمەكە هندەك ژ بەرپرسێن ئێكەتی نشتیمانی كوردستان و ڕاگەهاندنێن وان، ب شێوەكێ نەباش و دویر ژ ڕێزگرتنا سیاسی و هێرشێن نەڕاست ل سەر مەسرور بارزانی، جێگرێ سەرۆكێ پارتی و سەرۆکێ حکومەتا هەرێما کوردستانێ دكەن.
پەیڤدارێ پارتی ڕاگەهاند، ئەڤ كریارە ژ لایێ ئێكەتییێ ڤە ژبەر ئاریشەیێن وان یێن ناڤخۆی نە و دخوازن وێنەیەكێ نەڕاست یێ پارتی نیشان بدەن، بەلێ پارتی دووپات دكەت كو ئەو خودان ڕێباز و سەركردەیەكێ بهێزن ئەو ژی سەرۆك مەسعود بارزانی یە.
مەحموود محەمەد گۆت ژی، مەسرور بارزانی کار و سیاسەتا خۆ د چارچوڤێ سیاسەتا پارتی دا دكەت و هەر سەرپێچییەكا ل سەر مەسرور بارزانی، ئەو سەرپێچییە ل سەر هەمی ئەندامێن پارتی دهێتە هژمارتن.
هەروەسا دووپات كر، كو ئەو ب هەمی هێز و شیانێن خۆ پشتەڤانییا كاك مەسرور بارزانی دكەن بۆ بەردەوامبوونا كارێن وی.
