<h2 style="text-align: justify;"><span style="font-size: 18pt;">سه‌رۆك مه‌سعوود بارزانى ل پیرمام پێشوازى ل ستیڤ بیتنه‌ر كونسۆلێ گشتییێ نوو یێ ئه‌مریكا ل هه‌ولێرێ كر.</span></h2> <h2 style="text-align: justify;"> <span style="font-size: 18pt;">ل دووڤ ڕاگه‌هاندنا باره‌گایێ بارزانى، د دیداره‌كێدا كو مارك سترۆ كۆنسولێ گشتییێ پێشتر یێ ئه‌مریكا ل هه‌ولێرێ تێدا یێ به‌رهه‌ڤبوو، سه‌رۆك بارزانى بخێرهاتنا كۆنسولێ نوو یێ ئه‌مریكا كر، هیڤییا سه‌ركه‌ڤتنێ بۆ خواست، پێزانین بۆ ڕۆلێ كۆنسولێ گشتییێ پێشتر یێ ئه‌مریكا ل پێشڤه‌برنا په‌یوه‌ندی و هه‌ماهه‌نگییا دناڤبه‌را هه‌رێما كوردستانێ و ئه‌مریكا دا هه‌بوون.</span></h2> <h2 style="text-align: justify;"> <span style="font-size: 18pt;">هه‌روه‌سا سه‌رۆك بارزانى سوپاسى و پێزانینێن خۆ ئاراسته‌ی گه‌ل و حكومه‌تا ئه‌مریكا كرن، كو د قووناغێن جۆره‌وجۆردا پشته‌ڤانێن گه‌لێ كوردستانێ بوون، ب تایبه‌تى ل دامه‌زراندنا ده‌ڤه‌را دژه‌فرین بۆ كوردستانێ پشتى ڕاپه‌رینا خه‌لكێ كوردستانێ ل 1991 و ژناڤبرنا ڕژێما پێشتر یا عیراقێ ل سالا 2003ێ، هاریكاریكرنا هه‌رێما كوردستانێ و عیراقێ ل شه‌رێ دژى تیرۆرێ.</span></h2> <h2 style="text-align: justify;"> <span style="font-size: 18pt;">دپشكه‌كا دییا وێ دیدارێدا، هزر و بیر ل دۆر هه‌لبژارتنێن داهاتى یێن هه‌رێما كوردستانێ، دووماهى سه‌ره‌دانا سه‌رۆك بارزانى بۆ به‌غدا، په‌یوه‌ندییێن دناڤبه‌را هه‌رێما كوردستانێ و حكومه‌تا عیراقا فیدرالدا و ڕه‌وشا سیاسییا عیراقێ و ده‌ڤه‌رێ هاتنه لێكگوهۆرین.</span></h2>
