<h2>مەكتەبا سیاسییا ئێكەتییێ د پەیامەكێدا ڕاگەهاند، د سالڤەگەڕا 78 سالییا دامەزراندنا پارتی دیموکراتی کوردستاندا پیرۆزباهییێن گەرم ئاراستەیی هەوە و ئەندام و لایەنگرێن پارتی دکەین.</h2> <h2> مەكتەبا سیاسییا ئێكەتییێ ئاماژە ب هندێ كر، ئەڤرۆ كوردستان ژ هەر دەمەكی پتر پێدڤی ب هەماهەنگی و پێكڤەكاركرن و بهێزكرنا ڕێزێن خۆ ھەیە ل سەر بنگەهێ بەرژەوەندییێن بلند یێن گەلێ مە ب ھەمی پێکھاتەیان ڤە، ژ بۆ باشتركرن و گەشەپێدانا پتر یا حوکمڕانییا ھەرێمێ د ڕێیا بدەستڤەئینانا مافێن نەتەوەیی و دەستووریی یێن مە د عیراقا فیدڕالدا.</h2> <h2> هەر د پەیامێ دا هاتییە؛ بێگومان هەلبژارتنێن بهێت یێن كوردستانێ دەرفەتەكا باشە بۆ نویكرنا ئەزموونا دیموکراسییێ و باشتركرنا ژیان و گوزەرانییا وەلاتییێن مە، كو ئارمانجا بنەرەت یا كوردایەتی و خەباتا ڕەوا یا جەماوەرێ كوردستانێ یە.</h2> <h2> هەروەسا مەكتەبا سیاسییا ئێكەتییێ هیڤی دكەت، سالڤەگەرا دامەزراندنا پارتی دیموکراتی کوردستان ببیتە فاکتەرێ بهێزكرنا گیانێ هاریكاری و لێکتێگەهشتنا پتر د ناڤبەرا هەمی لایەنان دا، ب ھەردوو حزبان ژی ڤە .</h2>
