پەیڤدارێ حكومەتا هەرێما كوردستانێ د پێنج سالێن دەستبكاربوونا كابینا نەهێ دا دبێژیت، كابینا نەهێ كابینا خۆڕاگرییێ و مانا بەردەوامییێ بوو.
ئەڤرۆ چارشەمبی،10-07-2024 ، پێنج سال ب سەر سویندخۆارنا مەسروربارزانی بۆ كابینا نەهێ یا حكومەتا هەرێما كوردستانێ ڤە دەربازبوون.
پێشەوا هەروامانی، پەیڤدارێ حكومەتا هەرێما كوردستانێ د ڕاگەهاندنەكێ دا دیاركر، ئەڤ كابینە، كابینا خۆ ڕاگرییێ یە، مان بەردەوام بوون بەرامبەر قەیرانێن دروستكری وسیاسی و سرۆشتیدا.
پێشەوا هەورامانی بەحس ل هندێ كر، وەلاتییێن هەرێما كوردستانێ د هەمی دەماندا ل گەل حكومەتا خۆ بوویە و باوەری ب ئیرادا سەرۆكوەزیران هەبوو بۆ گوهۆرینان، ئەڤەژی بوویە پشتەڤانی بۆ سەرۆكوەزیران بۆ مانا بەردەوامییێ.
پەیڤدارێ حكومەتا هەرێمێ دیاركر، ب پشتراستی ڤە ئەو فشارێن دارایی و سیاسی و پیلانگێری یێن دژی سەرۆكوەزیران مەسرور بارزانی هەین د پێنج سالاندا، بەرامبەر هەر كەسەكێ دی هەبان، بەلكی نوكە بینەرێن ڕەوشەكا دی ل هەرێما كوردستانێ باین.
