حکومەتا هەرێما کوردستانێ ب نڤیسار داخواز ژ ڕێڤەبەرییێن گشتی یێن هەرێمێ كرییە، د زویترین دەمدا لیستا ناڤێن ئەوان فەرمانبەران ل دویڤ ئەو دەڤەر و جهێن ل سنوورێ وان بۆ بهنێرن بۆ وەرگرتنا پارچێن ئەردی ب سەر فەرمانبەراندا.
هەروەسا ل دویڤ زانیارییان، ڕێڤەبەرییا گشتییا ساخلەمییا هەولێرێ ئەڤرۆ نڤیسارەك ئاراستەی هەمی بنگەهێن ساخلەمییێ و نەخۆشخانە و سەنتەرێن ل سنوورێ ڕێڤەبەرییێ کرینە، داخواز كرییە د دەمێ حەفتییەكێدا لیستا ناڤێن ئەوان فەرمانبەرێن وەرگرتنا پارچێن ئەردی ژ وان دگریت بهێنە ئامادەكرن.
دهێتە زانین، رۆژا 27-03-2024، جڤاتا وەزیران بڕیاردا ب پێدانا پارچێن ئەردی ب سەر ئەوان فەرمانبەران یێن هەتا نوكە ژێ مفادار نەبووین.
