تۆماس سەیلەر، بالیۆزێ ئێكەتییا ئەورۆپا ل عیراقێ ڕاگەهاند، پێشوازییێ ل دیاركرنا 20ـێ چریا ئێكێ یا ئەڤسالە بۆ ئەنجامدانا هەلبژارتنێن خۆلا شەشێ یا پەرلەمانێ كوردستانێ دكەین.
هەروەسا دیاركر، ژ نێزیك ڤە ل گەل هەردوو حكومەتێن هەرێما كوردستانێ و حكومەتا فیدرال یا عیراقێ، هەمی لایەنێن چالاك یێن سیاسی ل كوردستانێ و نەتەوەیێن ئێكگرتی دێ كار كەین بۆ هندێ هەلبژارتن بهێنە ئەنجامدان.
بالیۆزێ ئێكەتییا ئەورۆپا دیاركر ژی، سەركەفتنا هەلبژارتنێن پەرلەمانێ كوردستانێ جارەكا دی شەرعییەتەكا دیموكراسییە بۆ بڕیارا سیاسییا هەرێما كوردستانێ ڤەدگریت.
