ئیران دێ هاریكارییێن‌ زانستی و ته‌كنه‌لۆجی ل گه‌ل هه‌رێما كوردستانێ پێشئێخیت

نوونه‌رێ ناڤه‌ندا هاریكارییا نێڤده‌وله‌تییا سه‌ر ب‌ وه‌زاره‌تا زانست و لێکۆڵین و ته‌كنه‌لۆجیا ئیرانێ دیار كر: ب ئه‌گه‌رێ ئه‌وێ لێكچوونا ل گه‌ل ژینگه‌هـ‌ و كلتوورێ هه‌رێما كوردستانێ هه‌یی‌، وه‌زاره‌تا وان دێ گرنگییه‌كا زۆر ب‌ پێشخستنا هاریكارییا زانستی و ته‌كنه‌لۆجییێ ل ‌گه‌ل ئه‌وێ هه‌رێمێ‌ ده‌ت.

ئه‌ڤرۆ ئێكشه‌مبی، ئاژانسا “ئێرنا” یا ئیرانی به‌لاڤكر، ئیحسان شه‌یخوون، نوونه‌رێ ناڤه‌ندا هاریكارییا نێوده‌وڵه‌تییا سه‌ر ب وه‌زاره‌تا زانست و لێكۆلین‌ و ته‌كنه‌لۆجیا ئیرانێ ڕاگه‌هاند‌، دێ گرنگییه‌كا پتر ب‌ دبلۆماسیه‌تا زانستی ‌ده‌ن و د ڤی كڤانی دا دێ مفایی ژ وان ده‌رفه‌ت و شییانێن زانستی‌ وه‌رگرن كو دێ‌ ئارمانجێن سیاسه‌تا ده‌رڤه‌ و به‌رژه‌وه‌ندییێن‌ نیشتمانی بده‌ستڤه‌ ئینن.

ناڤهاتی گۆت ژی‌، مه‌ره‌ما وان ئه‌وه‌ شییانێن دبلۆماسی بۆ بهێزكرنا چالاكییێن‌ زانستی و ته‌كنه‌لۆجی بكار بینن، ئه‌و د‌خوازن د ده‌مه‌كێ نێزیكدا ناڤه‌نده‌كا ژ وی ره‌نگی ل هه‌رێما كوردستانێ ڤه‌كه‌ن‌.