سەرۆكوەزیران دێ سەنتەرێ ئیگل پۆست ڤەكەت

بڕیارە ئەڤرۆ دەمژمێر 10:00 سپێدێ مەسرور بارزانی، سەرۆكێ حكومەتا هەرێما كوردستانێ سەنتەرێ ئیگل پۆست، یێ تایبەت ب كاروبارێن پۆستە و گەهاندنێ، ل باژێڕێ هەولێرێ ڤەكەت.
د چارچووڤێ بزاڤێن مەسرور بارزانی، سەرۆکێ حکومەتا هەرێمێ دا بۆ ب دیجیتالکرنا سیستەمان و دامودەزگەهێن حکومەتێ، وەزارەتا ڤەگوهاستن و گەهاندنێ هاتە ڕاسپاردن بۆ دامەزراندنا سیستەمێ پۆستێ دیجیتالی، بۆ ڤێ مەرەمێ ژی وەزارەتێ کۆمپانییەکا هەڤپشك ب ناڤێ “ئیگل پۆست” دامەزراند.
ئیگل پۆست، گەهاندنەكا پۆستەیی یا ڕێپێدایی یا هەڤپشكە ل گەل حکومەتا هەرێما کوردستانێ. ل ئیگل پۆست، پۆستەکرن ژ هەمی جیهانێ بۆ کوردستانێ و ژ کوردستانێ بۆ هەمی جیهانێ بەردەستە.
خزمەتگوزارییا گەهاندنا ناڤخۆیی و نێڤدەولەتی ب ڕێیا دەریا و ئاسمانی ب بارهەلگر و تڕۆمبێل و ماتۆرسکلان دشێن بارێن خۆ ڤەگوهێزن بۆ دەڤەرێن جوداجودا یێن ( ئاسیا، ئەفریقیا، ئەمەریکا باکوور، ئەمەریکا باشوور، ئەوڕۆپا و ئوسترالیا ).
وەلاتی ب ڕێیا ئیگل پۆست دشێن بەلگەنامێن خۆ یێن تایبەت ژی وەكو پاسپۆرت و ناسنامێ ڤەگوهێزن ب پشتڕاستترین شێواز.